Transcription
1
Reçue à Valence, le 20 avril 1573. Répondue le 27 avril 1573.
2
Monsieur de Gordes, je viens de recevoir votre lettre du VIIIe avecques la copie de
3
celle qui est tumbée entre voz mains, laquelle vous doibt servir dadvertissement
4
non seulement de departir gens par les villes et places plus importantes de votre
5
gouvernement, mais à vous preparer et randre fort pour courir sus au premier
6
qui montera à cheval pour seslever et favoriser mes rebelles, selon quil vous a
7
esté mandé assez de fois. Je cognois bien estre impossible que puissiez faire
8
grand exploict sans moien de souldoier et faire des forces. Jay bien desliberé aussi
9
de vous en secourir au plus tost, mais, cependant, en ceste necessité, il fault
10
mettre toutes pièces en oeuvre et faire de façon que vous aiez moien de
11
chastier le premier qui bougera. Cela intimidera les ungs et contiendra les
12
autres ; ou, silz se peuvent assembler sans empeschement, ilz se feront si fortz
13
quil est à craindre quilz vous donnent la loy. Je vous prie doncques sur
14
tant que desirez mon contantement que je veulx conserver tous ceulx qui ont
15
esté ou sont de lopinion nouvelle, lesquelz demeureront en leurs maisons
16
et vivront suivant mes commandementz et non leur courir sus comme aucuns
17
pubient affin de les esmouvoir à rebellion. jescriptz au sieur de Mandelot avoir
18
bonne intelligence avecques vous et vous assister de tout ce quil pourra. Sur tout,
19
monsieur de Gordes, il ne leur fault laisser prandre pied ni avantage sur
20
vous comme comme vous avez bien commancé, ayant faict mettre en pièces la cornette
21
qui estoit passée en votre gouvernement. Je suis bien marry de ce quilz
22
tiennent le passage de la rivière du Rosne en subgettion, car ce sera une
23
incommodité bien grande pour mes subggectz, estant tout le commerce rompu, de
24
façon que le tirage du sel sera du tout intermis si ce nest à leur mercy; surquoy
25
je vous prie me donner votre advis et de ce que lon peult faire, car de
26
permett[r]e que mes subgectz composent avecques eulx, il ny auroit nulle seureté, et
27
davantage, ilz en tireroient grand secours, comme ilz ont faict une autre fois.
28
Je prie Dieu, monsieur de Gordes, vous avoir en sa garde. Escript à Chaleau, le
29
XVe jour davril 1573.
30
Charles
31
de Neufville s[ecretair]e